Канада: Бројот на жртвите на нападот на фестивалот во Ванкувер се искачи на 11
Бројот на жртвите на нападот на фестивалот на филипинската заедница во Ванкувер се искачи на 11, а 20 лица се повредени, потврди вршителот на должноста началник на локалната полиција Стив Раи.
Медиумите претходно денеска објавија дека маж со својот автомобил влетал во луѓето собрани на фестивалот на филипинската заедница, при што уби и повреди голем број луѓе, јавува Би-би-си.
Вршителот на должноста началник на полицијата Стив Раи рече дека постапките на едно лице „го разнишале колективното чувство на сигурност“.
„Невозможно е да се претера кога зборуваме за тоа колку животи одбележал овој напаѓач засекогаш“, рече Раи, додавајќи дека има многу неодговорени прашања зошто се случило ова страшно злосторство, кој бил мотивот и дали можело да се преземе нешто за да се спречи.
