Каква е состојбата во Северна Митровица откако експлодираа две шок бомби?
Полицијата на Косово потврди дека во близина на полициската станица во Северна Митровица експлодирале две шок бомби.
„Ситуацијата е моментално стабилна, додека во Лепосавиќ има мал број демонстранти“, изјави заменикот директор на Регионалната полиција Север, Ветон Ејшани.
Полициските станици во општините на северот на Косово претходните денови беа мета на напади со шок бомби и камења. Оштетени беа и повеќе возила на косовската полиција.
