Каков имот поседува новата министерка за финансии Гордана Димитриеска Кочоска?

Гордана Димитриеска Кочоска,новата министерка за финансии,која за прв пат во својата кариера презема политичка функција, го објави својот анкетен лист во Државната комисија за спречување на корупција.

Поранешниот финансиски раководител на АД ЕСМ од пред неколку од сопствена недвижнина пријавила стан во Центар од 59 метри квадратни, стекнат со купопродажба од 2011, со проценета вредност од 95.500 евра. 

На име на сопругот е пријавен исто така стан во Центар од 155.000 евра кој го добил на подарок од 2022, а од 2017 со купопродажба стекнал градежно неизградено земјиште во Горно Соње на падините на Водно во вредност од 215.000 евра. Сопругот подигнал и кредит за куќа во висина од 60.000 евра, а во негова соипственост ја има фирмата КФК Дооел за финансиски консалтинг.

Димитриеска Кочоска има и полиса за животно осигурување, а добива и месечна кирија од 22.000 денари од издавање на недвижнина под закуп.