КАКО ЖИВЕАТ СЛОВЕНЦИТЕ: Еве ја нивната просечна нето плата

Просечната нето плата во Словенија во март изнесуваше 1.580,84 евра, што е номинално за 2 проценти повеќе, а реално за 1,4 проценти повеќе од просечната нето плата во февруари.

Просечната бруто плата во Словенија за март изнесувала 2.496,61 евра, што е номинално за 2,7 проценти повеќе отколку во февруари, а реално за 2,1 процент повеќе.

Во последните 12 месеци, според податоците од Заводот за статистика на Словенија, просечната бруто плата номинално се зголемила за осум проценти, а реално за 5,9 проценти.

Во март, просечната бруто плата се зголеми и во приватниот и во јавниот сектор.

Растот во приватниот сектор беше 3,3 отсто, а во јавниот сектор 1,7 отсто. Во институционалниот сектор на државата, просечната бруто плата била повисока за 1,9 проценти.

Во просек, вработените во финансиските и осигурителните дејности добивале највисока бруто плата, 3.503,75 евра. Зад нив се оние од секторот информатичко-комуникациските активности, каде што просечната бруто плата во март изнесуваше 3.435,70 евра.

Од друга страна, просечната бруто плата била најниска во угостителската индустрија, и изнесувала 1.794,81 евра.