Израелка, поранешна заложничка од Газа, собира средства „за својата иднина“: Повеќе од еден милион евра за еден ден
Израелка која беше држена како заложник во Појасот Газа со своите две деца и ослободена во ноември 2023 година започна кампања за собирање средства за „својата иднина“ и собра повеќе од половина милион евра за еден ден.
„Имам иднина што сакам да ја изградам, но ми треба вашата помош. Не можам да го направам тоа сама“, напиша Дорон Кац-Ашер (36) во текстот што го придружува нејзиниот апел, кој беше објавен на социјалните мрежи во среда.
Бројачот за донации покажа повеќе од 2,3 милиони шекели (околу 570.000 евра) до денес попладне, блиску до бараната цел од 2,5 милиони шекели.
Дорон Кац-Ашер беше еден од 251 заложник земен на 7 октомври 2023 година, за време на нападот на палестинското исламистичко движење Хамас врз јужен Израел, што ја предизвика разорната војна во Појасот Газа.
Таа беше киднапирана со нејзините две ќерки, на возраст од четири и шест години, од кибуцот Нир Оз. Тие беа ослободени од Газа на 25 ноември 2023 година, за време на првото примирје.
Секој ослободен заложник добил 50.000 шекели (12.500 евра) од државата, плус месечен надомест од 1.300 евра доживотно.
Друга помош се обезбедува во зависност од околностите на киднапирањето, составот на семејството и медицинските потреби.
