Израел подготвува одговор на историскиот напад – Иран и се заканува на друга земја: Ве следиме
Нападот на Иран врз Израел со над 300 беспилотни летала, крстаречки и балистички ракети заврши без сериозни последици откако огромното мнозинство од нив беа пресретнати и соборени.
Израелската војска објави дека „повеќето“ беспилотни летала и ракети биле пресретнати од системот за противвоздушна одбрана и „во соработка со стратешките сојузници на Израел пред заканите да стигнат до израелска територија“.
Мал број проектили земја-земја го погодија Израел, при што беше повредено едно девојче. Оштетена е воена инсталација на југ.
Иранската амбасада во ОН соопшти дека со оваа акција одмаздата за нападот може да се смета за завршена. „Во случај израелскиот режим да направи уште една грешка, одговорот на Иран ќе биде многу поостар“, се вели во објавата на иранската мисија во ОН во социјалната мрежа X. „Тоа е конфликт меѓу Иран и Израел и САД мора да останат. далеку“, се заклучува.
Израелските медиуми сепак пишуваат дека може да се очекува израелски одговор. И тоа значајно. Во текот на утрото беа извршени жестоки напади од Либан, а Иран се закани и на Јордан.
