Измамени сте со брзи кредити? Еве што треба да направите
Канцелариите со Брзи кредити никнуваат како отровни печурки низ сите градови низ Македонија. Илјадници граѓани поради лесната процедура за добивање пари, заглавија во долгови поради овие кредити, пишува ТВ21.
Граѓаните кои земаат брзи кредити и потоа не знаат што да прават, а предметот стигнал до извршител, тропаат на вратата на Народниот правобранител.
„Повеќето од нив бараат помош поради тоа што земале кредити на повеќе места значи 1,2,3,4, и имаат кредити и во банките кои постојат во РСМ. Ние се обидуваме да им ги олесниме нивните проблеми и на некој начин извршителите тоа да го реализираат дел по дел, не наеднаш поради тоа што се создава семејна криза“, вели Илбер Руфати.
Исто така, треба да се истакне дека МВР често информира за поплаки дека некој добил или се обидел да добие брз кредит со туѓа лична карта, што претставува кривично дело.
Во меѓувреме, експертите од областа на финансиите и економијата често апелираат до граѓаните да бидат внимателни со брзите кредити бидејќи имаат повеќе трошоци и многу брзо можат да дојдат во ситуација од која тешко се излегува.
Согласно Законот органи кои вршат контрола на усогласеност со Законот за заштита на потрошувачите при договори за потрошувачки кредити се:
Министерство за финансии
Ул. Мито Хаџивасилев Јасмин бб, 1000 Скопје
Тел.: +389 2 3106-159
Факс: + 389 2 3117- 280
Народна банка на Република Македонија
Бул. Кузман Јосифовски Питу 1, 1000 Скопје,
Тел.: + 389 2 3108 108;
Факс: + 389 2 3108 357
