Изгореле 600 балиња сув тутун, трактори, мотори , систем за наводнување во Канатларци

Вчера, околу 13:20 часот настанат е пожар на помошни простории (летна кујна, шталa и гаражи) лоцирани во дворното место од куќа сопственост на С.К. (44) од село Канатларци, прилепско.

Во 15:35 часот пожарот е целосно изгаснат при што констатирано е дека помошните простории биле целосно изгорени, а во пожарот изгореле околу 500-600 балиња со сув тутун, моторцикл марка „Хамачи“, една рачна количка со едно тркало, шпорет на дрва, електричен шпорет, фрижидер, маси, столици и разни кујнски предмети, како и моторцикл марка „Шинерај“, мотор марка „Титаник“, електрична машина за нижење на тутун марка „Тобако“, ѓубре-растурач за трактор и тракторска прскалка, ПМВ „Цитроен Берлинго“, разни резервни делови за земјоделска механизација, дополнителни 300-400 балиња сув тутун, 2.000 метри црн најлон за садење на бостан, систем за наводнување (капка по капка) околу 4.000 метри, трактор марка „Тафе“, трактор марка „Џон дир“ и делумно оштетен трактор марка „Тафе“.

Во пожарот предизвикана е материјална штета од околу 5.000.000 денари. Извршен е увид од вешто лице и екипа на ОКТУПА.