Избришан подкастот со Латас – не може да се најде на Јутјуб каналот на Лазаров
Интервјуто на Драган Павловиќ-Латас кај јутуберот Стефан Лазаров, кое предизвика негативни реакции во јавноста, од попладнево не може да се најде на каналот на јутуберот.
Поткастот во кој учествуваше Латас беше емитуван пред пет дена, а предизвика низа реакции по неговото раскажување за сексуално искуство во тинејџерските денови со девојка од причина што стимулираше насилство и родова дискриминација.
Скандалозен подкаст на јутуберот Лазаров со новинарот Латас – се бара реакција и од обвинителството!
Скопското јавно обвинителство оформи предмет, а од Министерството за внатрешни работи информираа дека поднеле известување до надлежното Јавно обвинителство, во врска со објавеното интервју како подкаст на Јутјуб каналот.
За интервјуто реагираа граѓани на социјалните мрежи, а денеска реакции имаше и од невладини организации и новинарски здруженија.
