Ивановски: Сигурен сум дека не само роботи, туку по некое време ќе има мисии, и ќе има луѓе кои ќе поминуваат повеќе време таму отколку што моментално се во вселенската станица!
Иван Ивановски смета дека развојот на автономните системи и роботиката ќе овозможи многу побрза експанзија на човештвото во вселената отколку што досега се мислеше.
Според него, првиот чекор ќе биде воспоставување бази на Месечината, по што следува и проширување кон Марс, каде роботите ќе бидат клучни за изградба и одржување на инфраструктурата.
„Прашањето не е дали, туку кога. Во следните пет години е сосема можно да имаме функционални бази на Месечината со роботска поддршка,“ истакна тој.
Ивановски додава дека идните мисии ќе бидат комбинација од роботи и луѓе, но дека роботите ќе ја преземат најопасната и најкомплексната работа, додека човечкото присуство постепено ќе се зголемува, особено во контекст на идниот вселенски туризам кој се очекува по 2030 година.
