Италијански турист загина, а седуммина се повредени во терористичкиот напад во Тел Авив
Еден италијански турист е убиен, а седум други туристи се повредени во терористичкиот напад во Тел Авив, соопштија полицијата и медицинските лица, цитирани од ДПА.
Извор од израелските безбедносни сили изјави дека напаѓачот бил израелски Арап од градот Кафр Касем.
Мажот го извршил нападот со автомобил кој синоќа удрил во група пешаци на шеталиштето во центарот на Тел Авив, соопштија израелските власти.
Претходно беше соопштено дека едно лице загинало, а шест се повредени – четворица Израелци и двајца туристи.
Италијанскиот министер за надворешни работи Антонио Тајани на Твитер потврди дека убиениот е италијански турист.
Полицаец кој бил во близина дошол на местото и видел превртен автомобил. Полицаецот го „неутрализирал“ возачот кога се обидел да извади пиштол, соопшти полицијата.
Тоа беше втор фатален напад во истиот ден, откако две израелски сестри беа убиени на окупираниот Западен Брег кога беше пукано врз нивниот автомобил.
The whole world needs to see this video, how a despicable terrorist preys, murders and injures people from abroad whose only sin is to enjoy walking on the promenade in Tel Aviv on Friday evening. pic.twitter.com/UyYy3qfntN
— יוסף חדאד – Yoseph Haddad (@YosephHaddad) April 7, 2023
Израелскиот премиер Бенјамин Нетанјаху и нареди на полицијата „да ги мобилизира сите резервни единици на Граничната полиција и им нареди на одбранбените сили (ИДФ) да мобилизираат дополнителни ресурси за справување со терористички напади“, соопшти неговиот кабинет.
