Италија одигра реми со Белгија, Франција убедлива против Израел (ВИДЕО)
Италијанците имаа фантастичен старт на мечот, Камбијасо уште во првата минута донесе водство за азурите од 1-0, а веќе во 24. минута Ретеги погоди за 2-0.
Италија доминираше, Белгија не можеше да создаде ништо. Но, во 38. минута се случи клучниот момент на мечот, Пелегрини доби црвен картон.
Белгија изведе идеален слободен удар и со гол на Де Кујпер во 42. минута намалија на 2-1 и се вратија во игра.
По 15 минути игра во вториот дел Тросар реализираше за конечни 2-2.
Израел во Будимпешта беше домаќин на Франција. Французите славеа убедлив триумф.
Камавинга и Нкунку постигнаа голови во првото полувреме за Франција, Гендузи и Баркола стрелаа прецизно во финишот од мечот за победа од 4-1.
