Иранскиот лидер Хамнеи се сретна со лидерите на Хамас
Иранскиот ВРХОВЕН водач, ајатолахот Али Хамнеи, денеска во Техеран се сретна со вршителот на должноста лидер на Хамас, Калил ал-Хаја и уште двајца водачи на таа палестинска група, јави иранската државна телевизија.
„Го победивте ционистичкиот режим, што всушност беше пораз за Америка“, рече Хамнеи, чија земја го поддржува Хамас во војната со Израел, пред палестинската делегација. „Не сте им дозволиле да постигнат ниту една од нивните цели.
Иранската телевизија објави дека палестинските лидери биле во Техеран за да му честитаат на Хамнеи на годишнината од иранската револуција во 1979 година. Тие изразија благодарност за континуираната поддршка на Иран.
Во делегацијата, меѓу другите, беа и Мохамад Дарвиш, шеф на раководниот совет на Хамас и највисокиот функционер на Хамас, Низар Авадалах.
Членовите на делегацијата му поднесоа извештај на Хамнеи за актуелната состојба во Газа и Западниот Брег и за „остварените победи и успеси“.
„Горди сме што пристигнуваме на денешната средба со вас“, ги пренесе зборовите на Ал-Хаџа до Хамнеи иранската телевизија и тој нагласи дека американските закани кон Иран „не влијаат на начинот на кој размислува нашата нација“, објавија иранските медиуми.
