Инспекторите затворија уште пет маркети поради ненамалени цени
Државниот пазарен инспекторат синоќа затвори уште пет маркети од трговските ланци поради непочитување на последните одлуки на Владата за намалување на цените за 10 отсто на одредени производи.
Казнети се и затворени 5 маркети во Кавадарци, Гостивар, Куманово и Тетово, информира директорот на ДПИ, Горан Трајковски.
„Во повеќе наврати напоменав дека секој мора да ги почитува законите и Одуките на Владата. Исто така, нема да дозволам никој да ги манипулира и доведува во заблуда граѓаните – потрошувачите!
Апелирам, до сите трговци, дека нема да има компромис ниту селекција во постапувањето на пазарниот инспекторат, кога е во прашање интересот на граѓаните!“, порача првиот човек на инспекторатот.
Тој упати благодарност до сите граѓани кои пријавуваат неправилности во Државниот пазарен инспекторат на телефонскиот број 02/191.
