Инфлацијата на храната во Грција не попушта, месото останува изгор скапо
Седумнаесет (17) последователни месеци двоцифрена инфлација на храната се очекува во вторник да објави грчката статистичка управа. Во март 2022 година, инфлацијата на храната во земјата надмина 10 отсто и оттогаш нема враќање назад. Всушност, во јуни грчката инфлација на храната која беше утврдена на 12,2 отсто беше за 1,4 процентни поени повисока од онаа во еврозоната која беше на 10,8 отсто.
Обработката на податоците за производите што го сочинуваат прехранбениот индекс на Евростат покажува дека во јуни Грција во 11 од 20-те категории апрецијациите биле повисоки од европскиот просек.
Во 3 од 5-те категории на месо, зголемувањата во Грција се повисоки од просекот на европската заедница: Кај говедското месо поскапувањето е 13,1 отсто, за разлика од просекот од 6,8 проценти во еврозоната. Кај свинското односот е 14,8 – 10,1 отсто. Тоа не го покажуваат само бројките, туку и реакциите на потрошувачите во телевизиските прилози.
Кај говедското месо, каде разликата е речиси двојна, Грција има 6-ти најголем пораст на цените и му припаѓа на клубот на само 8 од 27 земји од еврозоната со двоцифрен пораст. Кај свинското месо, Грција има 9-та најголема апрецијација
Во категоријата масла и масти, зголемувањата во Грција се речиси три пати поголеми од просекот на Заедницата: Таму односот е 14,3 – 5,5 отсто.
Доста поскапено во однос на еврозоната е и овошјето чии цени се зголемени за 10,2 проценти, додека европскиот просек на поскапување е 8,3 проценти.
