ИНЦИДЕНТ ВО СУДНИЦА: „Ќе те збришам на пешачки“ – Хаос на судењето за „Пулс“ откако инспектор ги обвини родителите
Тензии, пцости и закани по живот го одбележаа денешното рочиште за трагичниот пожар во кабарето „Пулс“ во Кочани. Судницата зовре откако обвинетиот градежен инспектор, Огњан Ѓорѓиев, директно ги испровоцира родителите на жртвите, велејќи им дека и тие треба да сносат вина.
Инцидентот ескалираше додека на пултот за сведоци беше Габриела Наунова, мајка на загинатата Надица.
„И вие треба да сте на обвинителна клупа!“
Откако сведокот Наунова потврди дека лично не го видела Ѓорѓиев во дискотеката, тој зеде збор и упати обвинување кон родителите: „И вие треба да седите на обвинителна клупа затоа што сте ги пуштиле своите малолетни деца да одат во дискотека“.
Оваа реченица предизвика експлозија од гнев кај присутните родители во делот за јавност.
„Ќе те убијам!“
„Ќе се видиме во Кочани, ќе те збришам на пешачки!“ – извикуваше еден од родителите, додека другите гласно негодуваа со пцости.
Судијката Диана Груевска-Илиевска мораше да побара интервенција од судската полиција за да ја смири ситуацијата.
