Има заинтересирани за гасоводот до Грција, Бектеши вели дека се бара инвеститор и за две гасни централи

Владата донесе одлука за да се бара „стратешки инвеститор“ за изградба две гасно водородни централи? Каков ќе биде овој модел? Открива министерот за економија Крешник Бектеши во неделното интервју за РСЕ.

До 1 февруари е рокот за пријава на заинтересираните страни за изградба на интерконекторот со република Грција. Ова како држава ќе ја зголеми сигурноста во снабдувањето и нема да сме зависни само од Русија и од Бугарија

„Се предвидува дополнително да се користи модел јавно приватно партнерство и во Осломеј каде би можело да се развие и топловодна мрежа за Кичево како што го имаме тоа во Скопје. Во делот за Неготино таму се планира таа да се конвертира во гасна и водородна централа и ние како министерство веќе донесовме одлука за да доставиме писмо за интерес на нашите соседни држави, бидејќи предвидуваме да имаме голем капацитет со над 600 МВ часови каде би се вклучиле нашите соседи особено од Западен Балкан. Имавме пред вид дека на тој начин нашиот енергетски систем би го направиле регионален и на тој начин би се споиле и пазарите за да имаме пофункционална берза и да имаме сигурност во делот и на снабдувањето со струја“, порача Крешник Бектеши.