ИМА ДОЗА ПЕСИМИЗАМ: Зошто се влошила деловната клима во Германија?

Очекувањата за германската економија се влошени на почетокот од годината. 

Деловната клима се влошила и во јануари, втор месец со ред, отсликувајќи ја значително поизразената неизвесност меѓу компаниите, објави денеска институтот Ifo, кој заклучува дека германската економија е во рецесија. Индексот на деловната клима на Ifo е намален во јануари за 1,1 поен во однос на благо намалената вредност од декември, на 85,2 поени, објави Ifo.

Компаниите го оценија своето сегашен деловно работење полошо отколку во декември, а нивните очекувања за следните шест месеци се уште попесимистички. 

„Германската економија е заглавена во рецесија“, заклучува претседателот на Ifo, Клеменс Фуест.

Германскиот бруто домашен производ (БДП) се намали во четвртиот квартал лани за 0,3 отсто во споредба со претходните три месеца кога стагнираше. Вчера Ifo ја намали проценката за растот за оваа година на 0,7 отсто. Додаават дека намалената државна потрошувачка ќе значи помала поддршка за граѓаните и компаниите.