Ѕид од камено доба пронајден на дното на Балтичкото Море
Ѕид од камено доба е откриен во близина на германското крајбрежје на Балтичкото Море и можеби е најстарата позната мегаструктура изградена од човек во Европа, изјавија експертите од Институтот за истражување на Балтичкото Море Лајбниц.
Ѕидот, кој се протега речиси еден километар долж морското дно во Мекленбуршкиот залив, бил забележан случајно кога научниците управувале со сонарен систем од истражувачки брод на околу 10 километри од брегот.
Поблиската проверка на структурата, која го доби името Блинкервал, откри околу 1.400 помали парчиња камен што поврзуваат речиси 300 поголеми парчиња, што би било премногу тешко за луѓето да ги носат во целост, пишува Гардијан.
Иако целта на ѕидот е тешко да се утврди, научниците веруваат дека неговата цел била да им помогне на ловците во потрагата по стада ирваси, а другиот ѕид, кој веројатно се протегал покрај Блинкервал, би можел да биде затрупан во седименти на морското дно, пренесува Танјуг. .
Ако ѕидот бил древна ловечка патека, тој веројатно бил изграден пред повеќе од 10.000 години, а бил потопен од зголемувањето на нивото на морето пред околу 8.500 години, велат истражувачите.
Тие наведуваат дека Блинкервал е меѓу најстарите познати примери на ловечка архитектура во светот и е потенцијално најстарата вештачка мегаструктура во Европа.
