И министри од новата власт ќе пазарат во маркети пред камери
Во стилот на претходната власт, функционери од новата денес ќе пазарат во скопски маркети пред камери за да ја убедат јавноста дека има реално намалени цени во рамки на „новогодишната кошница“.
Од Министерството за економија и труд информираат дека министерот Бесар Дурмиши, неговиот заменик Марјан Ристески и директорот на Државниот пазарен инспекторат, Влатко Стојкоски, денеска ќе ги посетат маркетите „Рамстор“ во истоимениот мол и „Кам маркет“ до Дајмонд Мол, како дел од малопродажните ланци вклучени во акцијата „Новогодишна кошница“.
Претходно по носењето на привремените владини одлуки за намалување на профитните маржи, посети на маркетите правеа Димитар Ковачевски, Крешник Бектеши и Горан Трајковски – премиер, министер за економија и директор на Државниот пазарен инспекторат од претходната власт.
