![И ДОЗВОЛИ АРМИЈАТА ДА ПУКА ВО НАРОДОТ! Лукашенко го смени законот и го шокираше светот, а еве што уште ВОВЕДЕ](https://novina.mk/wp-content/uploads/2024/02/Aleksandar-Lukasenko-750x500-1-jpg.webp)
И ДОЗВОЛИ АРМИЈАТА ДА ПУКА ВО НАРОДОТ! Лукашенко го смени законот и го шокираше светот, а еве што уште ВОВЕДЕ
Претседателот на Белорусија им даде многу поголеми овластувања на внатрешните служби и сили од кога било досега
Вооружените сили на Белорусија, пред се армијата и полицијата, во иднина ќе имаат право да пукаат во граѓаните доколку сметаат дека е потребно, без да одговараат за тоа пред суд.
Претседателот на Белорусија Александар Лукашенко го промени Законот за внатрешни служби и Законот за вооружени сили.
На овој начин тој ги замолчи сите идни обиди за демонстрации на оние кои не се согласуваат со неговите политики и државни одлуки.
Со промена на тие закони, белоруската армија доби овластување да користи оружје против демонстрантите без да одговара.
Одлуката на Лукашенко ја соопштија активисти на Гајун, кои тврдат дека обвинителите и истражните органи веднаш се известуваат во случај на повреда или смрт на граѓани, но припадник на армијата не одговара за смрт или повреда.
Во законот стои дека се работи за екстремни ситуации и дека за нив се потребни екстремни мерки, пренесува ДВ.
Белорусија се соочува со внатрешни немири поради вмешаноста во војната со Украина и честите протести кои би можеле да се минимизираат со новиот закон. Армијата и полицијата веќе употребија оружје на протестите, а неколку луѓе се убиени и ранети.
Во белоруските затвори во моментов има 1.413 политички затвореници. Ова е практика која Лукашенко ја презеде од својот покровител Владимир Путин, кој ги затвора и неговите политички противници.