И да немаат 80 пратеници, уставните измени да влезат во Собрание за да се види кој е за Европа, порача Пендаровски
Денеска сум повеќе склон да верувам дека е потребно, уставни измени да влезат во парламент, дури по претпоставка да немате сигурни 80 претходно, бидејќи така би се идентификувале двата главни блока во државата, про-европски и анти-европски блок. Ова го порача попладнево претседателот Стево Пендаровски одговарајќи на новинарско прашање.
„Во 2015 година, пред да влеземе во процедура за гласање за Преспански догоовор, во тој момент немаше обезбедно 80 гласа. Паметите, тоа беа драматични моменти кога во последен момент не се знаеше дали ќе се отвори процедурата за менување на Уставот“, изјави Стево Пендаровски.
Во однос на најавите за одржување на лидерска средба, претседателот нема ништо против и тој да биде домаќин но смета дека тоа треба да го направи Владата бидејќи тие во моментов ги бараат уставните измени.
„Иако познавајќи го ставот на опозицијата, не знам што тие друго би понудиле на оваа тема. Бидејќи нивниот став по однос на ова прашање е познат. Тие сакаат прво да дојдат на власт, а потоа да разговараат за уставни промени“, додаде Пендаровски.
