ХУТИСИТЕ ГИ ПРЕДУПРЕДУВААТ ИТАЛИЈАНИТЕ ДА НЕ ГО НАПАЃААТ ЈЕМЕН: Тие им одговорија дека заканите не ги плашат
Бунтовничката група Хути во Јемен ја предупреди Италија дека ќе стане цел доколку учествува во нападите врз Јемен.
Пораката доаѓа откако Италија објави дека ќе обезбеди команден персонал за поморската мисија на Европската унија за заштита на комерцијалните бродови од напади на јеменските Хути во Црвеното Море.
– Италија мора да остане неутрална во израелско-палестинскиот конфликт и да продолжи да врши притисок врз Израел да ги запре нападите врз Појасот Газа. Ова е единствениот начин да се постигне мир во регионот – изјави шефот на Врховниот револуционерен комитет на Хутите, Мохамед Али ал Хути во интервју за италијанскиот весник „Република“.
Италијанскиот министер за надворешни работи Антонио Тајани денеска реагираше на предупредувањето на јеменските бунтовници.
– Не се плашиме од заканите на Хутите. Ние го браниме транспортниот сообраќај. Никого не напаѓаме и не сакаме некој да не нападне – изјави Тајани за италијанска „Република“.