ХРВАТСКИ МАРКЕТ ДОБИ ВИСОКА КАЗНА: Продавале сок штетен по здравјето, сега треба да платат 2.400 евра!
Познат хрватски трговски ланец е прогласен за виновен и казнет поради продажба на храна штетна по здравјето на луѓето.
Во овонеделната пресуда во која се вели дека санитарната инспекција во Копривница извршила увид во супермаркетот „Плодина“ и нивниот магацин и утврдила дека „пуштиле во промет нездрава храна, односно храна штетна по здравјето на луѓето“, пренесуваат медиумите од соседството.
Станува збор за сокот „Fruity Sensation 100% apple, 1L, најдобро користен од: 11.01.2025 година, L1934G1, Продаден во Република Хрватска: Plodine“.
Официјална анализа на сок од јаболко во овластена лабораторија на Институтот за јавно здравје Др. Андрија Штампар, лани во јуни била пронајдена поголема количина на патулин од дозволеното.
Инаку, патулинот е многу честа состојка во природните сокови од јаболка.
„Плодин пласираше на пазарот нездрава храна која содржи загадувачи кои ги надминуваат максимално дозволените количества според прописите со кои се уредува областа на загадувачите“, се вели во пресудата.
Плодин е казнет со 2.400 евра, а одговорното лице во компанијата мора да плати 600 евра казна. Треба да платат и по 30 евра прекршочни трошоци. Пресудата е правосилна.
Патулинот е еден од микотоксините и се произведува од одредени видови мувла. Докажано е дека е токсичен за многу живи организми, а симптомите на акутна токсичност се агитација, во некои случаи грчеви, отежнато дишење, конгестија на белите дробови, едем и улцерација, хиперемија и дистензија на гастроинтестиналниот тракт.
Во случај на субакутна и субхронична токсичност, најчести симптоми се нарушувања во гастроинтестиналниот тракт со улцерации, надуеност и крварење, а при високи дози и промени во функцијата на бубрезите, истакнуваат од Хрватската агенција за храна.
