Ѓоковиќ разочаран по новиот неуспех: Ова е таа сезона…

Шанса да ја прекине лошата серија имаше на Мастерсот во Монте Карло, прв на земјена подлога оваа сезона, но запрен е од Каспер Руд во полуфиналето. И покрај поразот, Ѓоковиќ останува прв светски рекет, но е незадоволен по новиот неуспех.

„Се разбира дека сум разочаран кога ќе загубам ваков меч. Беше тесно, честитки за Каспер, играше многу добро, особено на почетокот на првиот и третиот сет. Јас се навикнав на високи стандарди, очекувања од резултатите, така што тоа што немам титула, во споредба со последните 15 години, значи дека оваа сезона воопшто не е добро. Играв само три турнири оваа година, но ова е таа сезона во која работите не се најдобри од почетокот и се надевам дека ќе можам да се подигнам во иднина“, изјави Ѓоковиќ.

Засега не е познато дали тој ќе настапи на турнирите во Барселона и Мадрид, но се очекува да игра во Рим каде лани беше запрен во четвртфиналето.