ХРВАТ РАСКАЖА КОЛКУ ЗАРАБОТУВА ВО ГЕРМАНИЈА – „Еден возач на камион може да заработи колку и министер во Хрватска“

Дамир вели дека во неговиот случај 1.000 евра добил на 24 јануари, а остатокот од 2.260 евра на 8 февруари. Така беше и во месеците потоа, со тоа што платата варираше поради бројот на одработени часови

Дамир Ленарт, возач на камион кој се преселил во Германија и кој секојдневно со семејството објавува за искуствата од живеењето во Германија, решил да сподели со своите следбеници колку точно заработува како координатор во една компанија. Како што рече, неговата сопруга и тој може „само да сонуваат“ за таква заработка во Кутина, нагласувајќи дека камионџиите во Германија, доколку покажат дека ја знаат работата, имаат шанса многу добро да заработат.

Кога ќе заврши цел месец, фирмата точно знае колку треба да плати, а платата се исплаќа неколку дена пред почетокот на месецот, во две исплати, раскажува тој. Дамир рече дека во неговиот случај 1.000 евра добил на 24 јануари, а остатокот од 2.260 евра на 8 февруари. Истото било и во подоцнежните месеци, со тоа што платата варирала поради бројот на одработени часови, а најголема била во јуни – вкупно 3.841 евро. Во мај, вели Дамир, не работел многу и земал нешто помала плата, 2.845 евра.

Пословни.хр

Фото: Принтскрин пословни.хр