Храбри битолчани спасија златен ретривер од надојдените води на реката Драгор
Двајца млади битолчани, Даниел и Филип, покажаа исклучителна хуманост и храброст спасувајќи куче од расата златен ретривер, кое останало заробено во надојдените води на реката Драгор.
Инцидентот се случил вчера, кога поради зголемениот водостој на реката, кучето не можело самостојно да излезе од соѕиданото камено корито. Храбрите момчиња се спуштиле по лизгавиот дел на мостот директно во реката и, со заеднички напори, успеале да го извлечат исплашеното животно на безбедно.
Благодарение на нивната брза интервенција, избегната е трагедија, со оглед на тоа што кучето било прилично крупно и немоќно да се справи со силниот тек на водата. Овој подвиг предизвика бран позитивни реакции кај граѓаните:
Овој настан е уште еден потсетник за важноста на емпатијата кон животните и подготвеноста да се помогне во критични моменти.
