Хорор детали од авионската несреќа во која загина девојче: Пилотот почувствувал хаос и се катапултирал, авионот удрил во автомобил со целото семејство во него
Петгодишно девојче загина вчера во пад на италијански воен авион. Нејзиниот 12-годишен брат е тешко повреден и се здобил со изгореници по целото тело. Повредени се и родителите на децата и пилотот, но никој не е во животна опасност.
Авионот удрил во пистата, но и во автомобил кој поминувал. Се урнал кратко по полетувањето, а причините кои довеле до несреќата допрва треба да се разјаснат. Пилотот е член на елитната аеробатска група „Frecce Tricolori“. Тој се катапултирал од авионот, но се здобил со изгореници и бил примен во болница, пишува РАИ.
Пилотот пријавил дека имал проблем со моторот
„По трагичната несреќа што се случи во близина на аеродромот „Торино Казел“ откажано е аеромитингот по повод стогодишнината од воздухопловството. Откажан е и концертот на Пинк Саунд закажан за синоќа. Претседателот на аероклубот од Торино, Алберто Банино, во име на целата организација и администрација на аероклубот, изразува сочувство до семејството и учествува во жалоста за жртвите“, соопштија од аероклубот.
„Таткото е многу вознемирен, тој е во шок, се уште размислува за малото девојче, само рече дека слушнал силен звук“, изјави Џовани Ла Вал, директор на градското здравство. Авионот удрил во автомобилот во кој бил мажот со повреденото девојче, нејзиниот 12-годишен брат и мајка.
Автомобилот се запалил набргу по ударот. 48-годишен маж од автомобилот е пренесен во болница во Торино. Тој добил изгореници на четири отсто од површината на телото.
Набргу по полетувањето, пилотот го известил лидерот на својот тим дека има проблеми со моторот. После тоа изгубил контрола над леталото и го активирал уредот за исфрлање. Авионот, паѓајќи на земја, се запалил и удрил во автомобил.
Една од хипотезите што се испитуваат, имајќи ја предвид динамиката на настанот, е влијанието на авионот врз птиците за време на првата фаза од полетувањето.
