Хет-трик на Џеко за победничко деби на Мурињо (ВИДЕО)

Тоа беше деби на официјален натпревар за Жозе Мурињо како тренер на Фенер, а најзаслужен за триумфот беше Един Џеко кој постигна хет-трик. Домаќините го отворија резултатот уште во четвртата минута преку Ел Вафи и водеа до почетокот на судиското продолжение кога Џеко од пенал го израмни резултатот.

Тукушто почна вториот дел Босанецот го донесе Фенер во водство, а по израмнувачкиот погодок на Бислими, Џеко го комплетира хет-трикот за нова предност на гостинскиот тим. На 4-2 зголеми Кадиоглу во 74. минута, а Валенсуела со гол во 94. минута ги задржа теоретските шанси на Лугано да дојде до триумф во овој двомеч.

Реваншто во Истанбул е на програмата е идната недела, а победникот од оваа пресметка, во следното коло ќе се сретне со Лил.