Хаос во Нов Зеланд – луѓето пливаа од собите за да се спасат, невремето го уништува островот
Владата на НОВ ЗЕЛАНД прогласи национална вонредна состојба само трет пат во својата историја, откако циклонот Габриел предизвика поројни поплави, лизгање на земјиштето и огромни бранови низ Северниот остров.
„Времето е без преседан и во голема мера влијае на поголемиот дел од Северниот остров“, рече министерот за управување со вонредни состојби, Киеран МекАнулти. Национална вонредна состојба беше прогласена само два пати претходно – по земјотресот со јачина од 6,3 степени во Крајстчерч во 2011 година и во раните денови на пандемијата на коронавирус.
Големо невреме го опустоши Северниот остров, а нивото на водата толку многу се зголеми што градовите, патиштата беа поплавени, а некои мостови беа уништени. Како што јавува Би-би-си, некои граѓани биле принудени да пливаат од поплавените куќи за да се спасат.
Премиерот Крис Хипкинс рече дека катастрофата е најлошиот временски настан во овој век. Без струја се околу 225.000 луѓе.
A state of emergency has been declared in New Zealand as ‘unprecedented’ storm lashes North Island.
Read more: https://t.co/zt61o4VdId pic.twitter.com/ETJiaE738Z— SBS News (@SBSNews) February 14, 2023
Пожарникар исчезна во одрон во Муривај, западно од Окленд. Вториот е критичен.
Најголема штета од невремето има на крајбрежните градови на северот и на источниот брег.
Марсел Смит, чие семејство живее на карпа во заливот Паруа на источниот брег на Северниот Остров, изјави за Би-Би-Си дека побегнала во внатрешноста на поголема височина со своите две мали деца во понеделникот вечерта.
Нејзиниот сопруг останал да постави заштита за нивниот дом. Некои насипи веќе се однесени од водата.
„Се обидуваме да направиме се што можеме за да го заштитиме она во што сме ги вложиле нашите животи. Тоа е човекот против природата во моментов“, изјави таа за Би-Би-Си.
Архитектот Ларс фон Минден (50) живее во Муриваи, крајбрежен град западно од Окленд.
FLASH: New Zealand has declared a National State of Emergency as Cyclone Gabrielle has caused widespread flooding, landslides, and ocean swells across the island. This is the third National Emergency in NZ’s history (2011 earthquake and COVID-19 pandemic).pic.twitter.com/JmyxLitPiQ
— Steve Hanke (@steve_hanke) February 13, 2023
„Ретко сум видел вакво нешто“, изјави тој за Ројтерс по телефон.
„Има три-четири области каде што има овие големи одрони, некои од нив широки 300 метри, кои уништија куќи, патишта, сè.
Локалните медиуми јавуваат дека некои жители на заливот Хок морале да пливаат низ прозорците на нивните соби за да си го спасат животот. Исто така, луѓето беа предупредени дека може да останат без струја со недели.
Многу луѓе побегнале на покривите, каде чекаат помош.
Водата уништила голем број дрвја кои паднале на коловозот, како и столбови за јавно осветлување.
Одбранбените сили на Нов Зеланд објавија драматични снимки од нивниот персонал како спасува заглавен морнар чија јахта била однесена од морето. Тој беше лоциран во близина на островот Голема бариера по мисија за пребарување во текот на ноќта, соопштија властите.
Евакуации и во Окленд
UPDATE on Cyclone Gabrielle as it starts to impact our city 🍃⛈️⚠️
Wellingtonians are urged to think twice before travelling as wind speeds increase along with heavy rain fall. Southerly severe gales are expected to continue through to midnight. pic.twitter.com/kWAHiaTiyk
— Wellington City Council (@WgtnCC) February 13, 2023
И во Окленд околу стотина луѓе ги напуштија домовите и преку ноќ отидоа во прифатните центри, соопштија властите.
Тежината и штетата што ја гледаме не ја доживеа ниту една генерација“, рече премиерот Хипкинс.
