ХАОС НА УНГАРСКАТА ГРАНИЦА: 33 автобуси полни со патници „заглавени“ во колона – се враќаат во Македонија
Вистинска голгота преживуваат патниците кои тргнале да се враќаат дома за претстојните празници. Според најновите информации, на унгарската граница во моментов е формирана колона од дури 33 автобуси кои чекаат излез од земјата.
Станува збор за автобуси кои доаѓаат од Германија, а чија крајна дестинација се Македонија и Албанија.
Патниците сведочат за огромни гужви и нервоза. Иако бројот на автобуси кои се движат кон нашиот регион е драстично зголемен поради новогодишните празници, царинските служби не работат со полн капацитет.
„Работи само еден шалтер за проверка, што го прави времето на чекање уште подолго и неподносливо“, јавуваат од терен.
Ова е вообичаена слика пред празниците кога дијаспората масовно се враќа во татковината, но ваквиот застој на самиот почеток на патувањето низ Балканот најавува мачни часови за патниците додека да стигнат до дома.
