Хандановиќ реши да оди во пензија, ќе влезе во управата на Интер

Хандановиќ првично имал план за да продолжи да брани барем во оваа сезона, но сепак се решил сепак да стави крај на кариерата на 39 години и сега еден од најпознатите италијански новинари Џанлука Ди Марцио најави дека Словенецот ќе добие работа во управата на Интер.

Засега не е познато каква функција ќе има, се споменува некој вид на „соработник“, но контактите се направени во последниве денови и во следниот период се очекува точно да се договори каква улога и функција ќе има доскорешниот голман.

Хандановиќ во Интер дојде во 2012 година и сѐ до минатата сезона беше незаменлива „единица“, а во кариерата собра 566 настапи во Серија А од кои 380 за Интер, надминувајќи го легендарниот Валтер Ѕенга како голман со најмногу настапи во историјата на миланскиов великан.