Груби: Сакавме да го изненадиме Али Ахмети тој да биде премиер, но тој ни го дозна тајниот план
Вицепремиерот Артан Груби денеска во интервју за 360степени откри дека сакале да го изненадат лидерот на ДУИ, Али Ахмети тој да биде премиер.
Како што вели, тој им го дознал тајниот план.
„Истото го посакувавме за Али Ахмети да биде и претседател на владата, дури заговаравме неколку негови најблиски соработници, со членови на претседателството на партијата, започнавме еден процес да го убедиме да биде тој првиот премиер Албанец на Владата на Република Македонија, но не успеавме да го убедиме“, вели Груби.
Тој додава дека имале таква иницијатива и започнати биле процеси бидејќи сметале дека тој е најзаслужен да биде премиер на Владата.
„Испадна дека тој ја дознал оваа наша иницијатива, како што знае се што се случува во ДУИ и во општеството, и пред нас излезе и го поднесе предлогот Талат Џафери да биде премиер“, порача Груби.
