Груби: Добро е што одлуката на Уставен суд не беше ретроактивна, ќе требаше да ни се исплати и она што не го добивме

Првиот вицепремиер Артан Груби на денешната прес-конеференција на Владата на новинарско прашање за тоа колкава му е платата што сега ја добива, одговори дека добро е тоа што одлуката на Уставен суд да се „одмрзне“ зголемувањето на платите на функционерите не е ретроактивна, бидејќу во тој случај ќе требало да им се исплати и она што не го добивале во изминатите 12 години.

– Добро е што Уставниот суд не донесе ретроактивна одлука. Затоа што, ако не се лажам од 2011 е замрзнат коефициентот и во однос на платите нема ништо незаконски, туку станува збор за претходна неуставна одлука за замрзнување на коефициентите од 2011. И дорбо е што не донесе одлука да важи ретроактивно и би значело дополнителна исплата за 12 години, рече Груби.

Априлската плата на 1.600 функционери им е зголемена за 78 отсто со одлуката на Уставен суд дека не смее да се пресметуваат поинаку платите освен преку множење на коефициентите со просечната нето-плата од минатата година.