Грчкото МНР му врати на Мицкоски: Македонското прашање е решено и неповратно!
Грчкото МНР ги оквалификува како провокација кон Грција изјавите на премиерот Христијан Мицкоски за време на посетата на САД, каде рече дека „македонското прашање и натаму не е решено“.
Во соопштението на Министерството за надворешни работи се наведува:
„Во изјавите во Њу Џерски, премиерот на Северна Македонија одлучи да зборува за нерешеното и постоечкото македонско прашање. Тоа е провокација што се обидува да го врати на дневен ред прашање кое е решено дефинитивно, и неповратно. Грција потсетува дека натамошниот напредок во нејзините билатерални односи со Северна Македонија и непреченото продолжување на европскиот пат на соседната земја, подразбираат почитување на Договорот од Преспа, и воздржување од ирединистички изјави и тврдења на штета на соседите“, се вели во соопштението.
