Граѓанска иницијатива: Доставена петиција до Владата и МВР за казни за фрлање отпад преку „Сејф Сити“
Граѓанското движење „За Почиста Македонија“ денеска ги достави потписите од петицијата со која се бара унапредување на системот за видео-надзор „Сејф Сити“.
Иницијативата предвидува постоечките камери да се користат за детектирање и санкционирање на граѓаните кои фрлаат отпад на јавни површини.
„1000 ПОТПИСИ! Едно големо браво до сите! Преку 1000 од вас ја поддржаа петицијата за унапредување на „Сејф Сити“ системот со казни за фрлање отпад. Денес на овој убав сончев ден ја доставивме лично до Влада и Министерство за внатрешни работи. Заедно сме погласни. Очекуваме да нè чујат и будно следиме за одговор.“ велат од иницијативата.
Оттаму додаваат дека ќе го следат процесот и ќе ја информираат јавноста за секоја преземена мерка од страна на надлежните институции.
