Голема полициска акција во Источна Македонија – уапсени повеќе лица
Синоќа започна и сè уште трае обемна полициска акција на подрачјето на Берово, Пехчево и Делчево, насочена кон разбивање на организирана криминална група која подолг период се занимавала со нелегална сеча на шуми, злоупотреба на службена положба, поткуп и други кривични дела против животната средина.
Според неофицијални информации, меѓу приведените се актуелен директор на ЈП „Македонски шуми“, началник во полицијата, неколку полициски и шумски службеници, претставник на Министерството за земјоделие, како и сопственици на приватни компании.
Тие се сомничат дека преку коруптивни врски овозможувале дрвната маса од незаконска сеча да се продава како легално исечена.
Со акцијата, институциите испраќаат јасна порака дека уништувањето на природата и корупцијата нема да бидат толерирани, без оглед на тоа кој стои зад нив.
