ГОЛЕМА НАЈАВА НА ТРАМП: Во понеделник ќе знаеме многу повеќе!
Американскиот претседател Доналд Трамп изјави дека во понеделник ќе се знае многу повеќе за изгледите за прекин на огнот во Украина.
„Како што знаете, имаме договор со украинската страна за прекин на огнот, се обидуваме да постигнеме договор и со Русија. Во понеделник ќе знаеме многу повеќе за тоа“, изјави тој во интервју за телевизијата „Фокс26“.
Тој рече и дека преговорите со претседателот на Русија Владимир Путин за прекинот на огнот во Украина се одвиваат доста добро, но дека ситуацијата е многу сложена.
Помошникот на рускиот претседател Јуриј Ушаков изјави дека е воспоставен дијалог меѓу руската и американската администрација и дека редовно се водат разговори преку бројни канали.
Тој рече и дека рускиот лидер Владимир Путин е многу внимателен за сите прашања кои се појавуваат во врска со дијалогот со сегашната американска администрација.
Да потсетиме, Путин вчера објави дека Русија се согласува со американските предлози за прекин на борбите, но претпоставува дека тој крај треба да доведе до долгорочен мир и да ги елиминира основните причини за кризата.
Тој рече и дека е убеден оти Украина треба да инсистира на Американците да побараат прекин на огнот врз основа на ситуацијата на теренот.
