Голема акција во Скопје: Претреси на повеќе локации, пронајдено оружје, приведени 12 лица
Полицијата утрово спроведе голема координирана акција на повеќе локации во Скопје, насочена кон спречување недозволена трговија со оружје. Претреси се вршеле во Арачиново, Мојанце, Сингелиќ, Чаир, Брест и Љуботен.
Според неофицијални информации, при акцијата се пронајдени три автоматски пушки, два пиштоли, поголема количина муниција од различни калибри, како и пет моторни возила и повеќе мобилни телефони кои се одземени за понатамошна истрага.
Неофицијално, приведени се 12 лица, а полициските активности продолжуваат и во текот на денот.
Од Министерството за внатрешни работи се очекува официјално соопштение со повеќе информации за утринската акција.
Информацијата ја потврди и Обвинителството за гонење организиран криминал и корупција.
„Во текот на утрото полициски службеници под раководство на јавен обвинител од ОЈО ГОКК извршија претреси на повеќе локации во Арачиново, Ченто, Брест, Инџиково и Чаир, поради основи на сомневање за сторени кривични дела поврзани со оружје и дрога,“ соопштија од обвинителството.
Полициската акција се очекува да продолжи со дополнителни оперативни мерки во текот на денот.
ФОТО: Архива
