ГОЛЕМ ПАД: Извозот на рускиот гас падна на нивото од 1985 година?

Обидот да се замрзне Европа за да се постигнат отстапки за Украина скапо го чинеше „Гаспром“. Откако го загуби најголемиот странски пазар, кој пред војната обезбедуваше 80 отсто од извозот и две третини од приходите на „Гаспром“, рускиот гасен монопол се врати назад речиси четири децении во минатото.

На крајот на 2023 година, „Гаспром“ продаде околу 69 милијарди кубни метри гас за извоз – минималниот волумен од 1985 година, пресмета Ројтерс. Во споредба со 2022 година (100,9 милијарди кубни метри), која веќе стана најлошата година за компанијата во целата нејзина историја, обемот на испумпуван гас во странство се намали за уште една третина. И во споредба со нивото од пред војната (185 милијарди кубни метри во 2021 година), извозот на „Гаспром“ падна трикратно.

Испораките за Европа паднаа на 28 милијарди кубни метри, на нивото од втората половина на 1970-те. За споредба: во 1975 година, СССР испумпуваше 19,3 милијарди кубни метри годишно во европските земји, а во 1980 година, откако склучи голем договор со Германија, веќе беа 54,8 милијарди. Во изминатата година, Кина купи преку гасоводот „Моќта на Сибир“ рекордни 23 милијарди кубни метри. Ова, сепак, компензира само една осмина од претходниот извоз во Европската унија (180 милијарди кубни метри).

Рускиот енергетски гигант Газпром во средата објави дека претходниот ден поставил нов рекорд во испораката на гас за Кина преку гасоводот Моќта на Сибир, пренесува Кликс.

„Газпром“ не даде попрецизни податоци за новиот дневен рекорд, но наведува дека вкупниот извоз на гас во Кина преку овој гасовод достигнал 22,7 милијарди кубни метри во 2023 година. 

foto freepik.com/Kar881am