Голден Арт го освои „жешкото“ Неготино за два од два во новата сезона!
Составот предводен од Владимир Глигоров претходно беше подобар и од Мулти Есенс, со што најави сериозно вмешување во борбата за највисок пласман во групата Б. Тоа беше цврст и изедначен меч во кој гостите постојано имаа водство, но тоа во ниту еден момент не беше убедливо за предвреме да им ја гарантира победата. Скопјани дури на крајот поведоа со плус три (25-22), но неготинци дадоа два гола по ред и имаа шанса дури да изедначат, но направија грешка која противникот ја искористи за да го потврди триумфот.
Кај Голден Арт најагилни беа Гошевски и Милошевски со по четири гола, додека за Вардар Неготивно најефикасен беше Мице Шилегов со девет гола. За одбележување се и двата црвени картони уште на самиот старт од мечот, кои ги добија Србинот Кериќ од домашниот тим и пикерот Даев од гостинскиот поради меѓусебно кошкање.
