ГО РОДИЛА, ПА СИ ЗАМИНАЛА Мајка го оставила новороденчето во велешката болница
Полицијата поднесе кривична пријава против 24-годишна жена од Велес, откако го оставила своето новородено бебе во болница веднаш по породувањето.
Според информациите од СВР Велес, жената се породила на 1 февруари годинава во ЈЗУ Општа болница Велес. Набргу потоа, таа со потпис доброволно го напуштила гинеколошкото одделение, оставајќи го новороденчето без родителска грижа.
Случајот бил пријавен во полиција, по што била покрената постапка поради сомнение за кривично дело „запуштање и малтретирање на дете“.
.
