Глобалните температури растат: „Ова може да биде најтоплата година досега“
Според прелиминарните податоци, јунските глобални температури веќе достигнуваат рекордни вредности пред доаѓањето на Ел Нино, а експертите стравуваат дека 2023 година би можела да биде најтоплата година во историјата на мерењата. Глобалните просечни температури регистрирани досега во јуни се за речиси 1 степен Целзиусови повисоки од претходно регистрираните нивоа за тој месец.
Со оглед на тоа дека е само средината на јуни, постои можност да нема нов јунски рекорд, но климатолозите предупредуваат дека се соочуваме со зголемување на глобалното затоплување, што би можело да ја направи оваа година најжешката досега забележана, надминувајќи ја 2016 година. пишува The Guardian.
Минатата недела американската Национална управа за океани и атмосфера (НОАА) изјави дека Ел Нино пристигнал и дека „постепено ќе зајакне“ на почетокот на следната година.
„Глобалната аномалија на температурата на површината моментално е на или блиску до рекордни нивоа, а 2023 година речиси сигурно ќе биде најтоплата година досега. “, изјави климатологот Мајкл Ман од Универзитетот во Пенсилванија.
Финскиот метеоролог Мика Рантанен наведува дека температурите во јуни се веќе „надпросечни“ и дека е „сосема сигурно“ дека ќе имаме рекордно топол јуни. Оваа година веќе видовме силни, рекордни топлотни бранови кои ги погодија Порторико, Сибир и Шпанија, додека екстремните горештини во Канада поттикнаа огромни шумски пожари кои го прекрија небото над Њујорк и Вашингтон со отровен чад минатата недела.
