Гевгеличанец се обидел да убие извршител и адвокат
Гевгеличанец пред неколку дена со пиштол се обидел да убие извршител и адвокат поради долг. Тој со нив најпрво се договорил да се сретнат за да договорат како да го исплати долгот, но работите не оделе по неговиот план, па им вперил пиштол. Од Обвиинителство информираат дека тој се борел со адвокатот, а откако му ветил дека нема да го пријави, побегнал.
„Основното јавно обвинителство Гевгелија донесе наредба за спроведување истражна постапка против едно лице, кое што на 29 октомври годинава, во канцеларија на извршител во Гевгелија, со умисла се обидел да лиши од живот две лица со кои се сретнал по претходен договор за регулирање на начинот и рокот на исплата на неговиот долг. Додека траело излагањето на оштетениот – адвокат, осомничениот ја затворил вратата од канцеларијата, извадил пиштил и го вперил во доверителот – лицето кон кое го имал долгот. По реакција на адвокатот, осомничениот го вперил пиштолот и кон него, но адвокатот успеал да ја фати раката на осомничениот и да го насочи пиштолот кон подот, по што настанала турканица и борење по подот. Во меѓувреме другиот оштетен и вработените од извршителската канцеларија ја напуштиле просторијата. Додека траела борбата, осомничениот со левата рака се обидел да го репетира пиштолот. Откако оштетениот адвокат му ветил на осомничениот дека нема да го пријават, борбата престанала и осомничениот го напуштил местото на настанот“ – се вели во соопштението на ОЈО.
Осомничениот 30 дена ќе остане во притвор, а против него постои основано сомнение дека го сторило кривичното дело – Убиство од член 123 став 3 во врска со член 19 од Кривичниот законик.
