Германски министер: Германија, Франција и Велика Британија му нудат на Иран итни преговори
Германија, Франција и Велика Британија се подготвени веднаш да започнат преговори со Иран за неговата нуклеарна програма, со цел смирување на тензиите на Блискиот Исток, изјави германскиот министер за надворешни работи Јохан Вадефул.
За време на посетата на Блискиот Исток, Вадефул изјави дека сака да придонесе за деескалација на конфликтот меѓу Иран и Израел, истакнувајќи дека Техеран претходно ја пропуштил можноста за конструктивни преговори.
„Се надевам дека сè уште не е изгубено“, изјави Вадефул за АРД во саботата навечер.
„Германија, заедно со Франција и Велика Британија, е подготвена. Му нудиме на Иран итни преговори за нуклеарната програма. Се надевам дека оваа понуда ќе биде прифатена“, додаде тој.
„Исто така, клучен предуслов за смирување на овој конфликт е Иран да не претставува закана за регионот, државата Израел или Европа“, истакна тој.
