ГЕРМАНИЈА: За колку се зголемил бројот на невработени?
Има благо зголемување на бројот на невработени во Германија.
Бројот на невработени во Германија во јуни се зголемил за околу 4.000 во однос на претходниот месец, на 2,727 милиони. Податокот во петокот го објави Федералната агенција за труд. Стапката на невработеност е непроменета во однос на мај на 5,8 отсто.
Бројот на луѓе без работа во јуни, поради сезонска работа, најчесто се намалува. Трендот се смени во последните години поради пандемијата, а потоа и поради доаѓањето на украинските бегалци. Оваа година, тоа е исклучиво поради економски фактори. Бројот на работни места на огласите се намалува. Во јуни агенцијата забележала 701.000 од нив, односно околу 69.000 помалку од 12 месеци порано.
