ГЕНСЕКОТ НА СДСМ ОФОРМУВА „ФРОНТ“ НА СРЕДБИ ВО СРБИЈА Зад потегот стојат Заев и Башановиќ?
Генералниот секретар на СДСM минатата недела се сретнал со поранешни функционери од српската опозиција за оформување на опозициски фронт, организиран со помош на Зоран Заев и Зоран Башановиќ, тврди Валентин Манасиевски од ВМРО-ДПМНЕ на партиска прес-конференција.
„Генсекот Александар Саша Димитријевиќ, изминатата недела во Македонија, одржал средба со поранешниот министер за образование од Србија, Бранко Ружиќ, кој воедно е и потпретседател на СПС, Социјалистичката партија на Србија, на која било разговарано за спојување на опозиционерите од Србија со СДСM, за заеднички настап и соработка.
За да бидат појасни работите, Бранко Ружиќ е политичар кој минатата година беше суспендиран од својата политичка партија, која инаку е во коалиција со партијата на власт во Србија, поради неговите поинакви ставови за работата на истата Влада, во која тој беше министер за образование.
Секако, зад оваа средба и зад овој фронт кој опозицијата од Србија сака да го направи со СДСM, стои нивниот ПР шеф Башановиќ и врховниот претседател на СДСM, Зоран Заев.
Жалното е што во врвот на СДСM никако не им доаѓа памет, кој стигне ги користи за свои приватни цели.
Поради лојалноста и послушноста кон Заев, СДСM преку Филипче и Димитријевиќ ќе одработуваат за опозиција во друга држава.
Наместо да се фокусираат во Македонија, да бидат конструктивна и корективна опозиција, тие се занимаваат со други држави и партиите во истите тие држави. Да потсетиме, Филипче и СДС ликуваа на победата на сестринската партија на ВМРО-ДПМНЕ во Унгарија, додека нивната сестринска партија освои 1% од гласовите.
Нашиот совет до СДСМ е помалку да се занимаваат со други држави и со туѓи влади, а повеќе да се фокусираат на македонската политичка сцена, затоа што полека но сигурно стануваат маргинална партија со рејтинг сличен на статистичка грешка“, вели Манасиевски.
.
