Фудбалер на Интер го нарече ривалот „црнчуга“ и за тоа не доби никаква казна!

Ова денеска го соопшти Италијанската фудбалска федерација.

„Со оглед на тоа што не е постигнато минимално ниво на вистинитост во однос на дискриминаторската содржина, одлучено е да не се применуваат санкциите предвидени во член 28 од Кодексот за спортска правда“, се вели во соопштението на федерацијата.

Италијанецот се соочуваше со суспензија од 10 натпревари, со што за него предврее ќе завршеше сезоната, но и ќе беше доведено во прашање неговото учество на ЕП во Германија летово. Инцидентот, наводно, се случил за време на натпреварот од 29. коло на Серија А помеѓу Интер и Наполи, по кој гостинскиот фудбалер Хесус му пријавил на судијата на натпреварот дека Ачерби му упатил расистичка навреда нарекувајќи го „црнчуга“.

„Коментарите на Ачерби не соодветствуваат на реалноста и на тоа што му го кажа. Мораме да се бориме против расизмот“, напиша разочараниот Хесус.