![БДП ПО ЖИТЕЛ ВО ЕУ: Луксембург и Ирска се на врвот, кој е на дното?](https://novina.mk/wp-content/uploads/2024/03/20240326180102.png)
БДП ПО ЖИТЕЛ ВО ЕУ: Луксембург и Ирска се на врвот, кој е на дното?
Луксембург и Ирска се со најголем, а Бугарија и Грција со најмал БДП по жител во Европската Унија(ЕУ) според куповната моќ. Ова се податоци за 2023 година.
Германија, најголемата европска економија, лани го надмина европскиот просек за 15 отсто во однос на БДП по глава на жител.
Франција и Италија се блиску до просекот на Унијата и малку под просекот на еврозоната, кој е четири отсто поголем од просекот на 27-члената ЕУ.
Словенија, Чешка и Шпанија заостануваат зад просекот на Унијата за околу 10 отсто. Во Естонија, Полска и Романија, БДП по жител беше за околу 20 отсто помал од просекот на ЕУ.
Словенија е на чекор до европскиот просек, Хрватска е веднаш до Унгарија, а на дното е Бугарија, покажаа новите проценки на Евростат.
Во 2023 година, домашниот бруто- производ (БДП) по глава на жител изразен во стандардите за куповна моќ се движеше помеѓу 64 отсто од просекот на ЕУ во Бугарија и 240 отсто во Луксембург.