ФОТО Во Куманово се крпеа дупки еден час пред велосипедската трка на ЕМОФ

Европскиот младински олимписки фестивал (ЕМОФ), кој неделава се одржува во Скопје, наместо да биде празник на спортот, се најде во сенка на сериозни организациски пропусти.

Наместо за спортски подвизи, јавноста зборува за инциденти и импровизации. Само неколку часа откако две деца беа прегазени за време на тренинг во Куманово, каде се одржуваат велосипедските трки, следуваше уште една необична сцена.

Локалната власт, свесна за лошата состојба на патеката дури во последен момент, утрово испрати камион со неколку лопати асфалт за да „среди“ дел од трасата. Со оваа задоцнета интервенција се обидоа да ја направат патеката безбедна за натпреварувачите – токму ден пред завршувањето на фестивалот.

ЕМОФ завршува утре, но наместо по спортски успех, фестивалот ќе остане запаметен по хаотичната организација. Се надева дека до крај нема да има нови инциденти, а целата манифестација многумина ќе сакаат што побрзо да ја заборават.